Ridizenjim faqe interneti
Biznesi juaj ka ecur përpara. Është koha që edhe faqja web të bëjë të njëjtën gjë.
Ridizenjojmë faqet ekzistuese që klientët të gjejnë informacionin, ta përdorin faqen lehtë në celular dhe t’ju kontaktojnë pa vështirësi. Fillojmë duke parë çfarë funksionon dhe çfarë duhet ndryshuar.
E ka ndërtuar dikush tjetër? Mund ta vlerësojmë edhe atë faqe.
Çfarë nuk po bën mirë faqja juaj?
Ndoshta përdoret me vështirësi në celular, përshkruan shërbime që nuk i ofroni më ose ju lodh edhe për një ndryshim të vogël. Zgjidhja varet nga problemi që gjejmë.
Rifreskim i pamjes
Përmbajtja dhe funksionet ende i shërbejnë biznesit. Përditësojmë paraqitjen, shkronjat, ngjyrat dhe fotot, duke ruajtur strukturën që funksionon.
Një faqe më e dobishme
Vizitorët nuk e gjejnë lehtë shërbimin ose mënyrën e kontaktit. Riorganizojmë menunë, faqet kryesore, përmbajtjen dhe hapat për të dërguar një kërkesë.
Rindërtim i plotë
Platforma ekzistuese nuk i lejon ndryshimet që ju duhen. Planifikojmë faqen e re dhe kalimin e përmbajtjes e funksioneve që kemi rënë dakord të ruajmë.
Nëse mjaftojnë disa përmirësime të vogla, ju propozojmë ato. Vetëm vjetërsia e faqes nuk është arsye për ta rindërtuar.
Nëse gjatë vlerësimit duhet zgjedhur edhe platforma, udhëzuesi WordPress apo software i personalizuar shpjegon kur përshtatet secila zgjidhje.
Çfarë mund të ndryshojmë
Faqet, funksionet dhe kontrollet i përcaktojmë me shkrim. Vlerësimi fillestar na ndihmon të zgjedhim cilat prej tyre i duhen faqes suaj.
Dizajn që i përshtatet biznesit
Përshtatim paraqitjen, shkronjat dhe imazhet me identitetin tuaj dhe shërbimet që ofroni sot.
Përdorim i lehtë në celular
Tekste të lexueshme, menu e kuptueshme dhe butona të lehtë për t’u shtypur, të kontrolluar në celular, tablet dhe kompjuter.
Përmbajtje që kuptohet
Shërbime të organizuara qartë, tituj që ju orientojnë dhe përgjigje për pyetjet që bën klienti para se t’ju kontaktojë.
Kontakt pa vështirësi
Mënyra kontakti të dukshme dhe formularë me fusha të qarta. Lidhjet me rezervimet, pagesat ose CRM-në i shqyrtojmë para se të përcaktojmë ndryshimet.
Kontrolle shpejtësie dhe SEO-je
Kontrollojmë hapjen, reagimin ndaj klikimeve dhe qëndrueshmërinë e paraqitjes, si edhe titujt, indeksimin, lidhjet e brendshme dhe të dhënat e strukturuara.
Dorëzim me udhëzime
Ju tregojmë si të ndryshoni përmbajtjen e përcaktuar dhe ju dorëzojmë akseset e skedarët burimorë të punës së kryer.
Te udhëzuesi për përgatitjen e faqes për kërkimin me AI shpjegojmë bazat teknike dhe të përmbajtjes. Kërkimin dhe punën e vazhdueshme me përmbajtjen i mbulon veçmas shërbimi SEO.
Shikoni ndryshimet para se të dalin online
Faqja ekzistuese vazhdon të jetë online ndërsa punojmë në versionin e provës. Orarin e kalimit dhe çdo ndërprerje të përkohshme i përcaktojmë paraprakisht.
-
Shqyrtojmë faqen ekzistuese
Na dërgoni adresën dhe problemin kryesor. Fillojmë me faqet publike dhe kërkojmë aksesin përkatës vetëm kur duhet një kontroll më i thellë.
-
Përcaktojmë punën dhe dizajnin
Merrni një ofertë me shkrim me punën, çmimin dhe afatin. Vendosim çfarë ruhet, çfarë ndryshon dhe si do të duken faqet kryesore.
-
Punojmë në një adresë prove
Ju shikoni ndryshimet pa prekur faqen publike. Testojmë faqet dhe funksionet e përcaktuara para se të planifikojmë kalimin.
-
Kontrollojmë, publikojmë dhe dorëzojmë
Ruajmë një kopje të faqes ekzistuese, verifikojmë ridrejtimet dhe funksionet kryesore. Pas kalimit kontrollojmë faqen publike dhe ju tregojmë si ta përdorni.
Faqja juaj ka gjëra që ia vlen t’i ruajmë.
Identifikojmë përmbajtjen e vlefshme dhe adresat e rëndësishme para se t’i ndryshojmë. Kur duhet ndryshuar një adresë, e lidhim me faqen e re përkatëse dhe testojmë ridrejtimin. Në publikim kontrollojmë indeksimin, lidhjet e brendshme dhe hartën e faqes. Ruajmë edhe një kopje për të rikthyer versionin e mëparshëm nëse nevojitet.
Këto kontrolle ndihmojnë të shmangim gabimet gjatë kalimit. Pozicionet në Google mund të luhaten pas ndryshimeve të mëdha.
Shikoni si punojmë
Shikoni faqet që kemi ndërtuar për të parë si bashkojmë dizajnin, përmbajtjen dhe funksionet që i duhen biznesit.
Ofertë sipas faqes që keni
Vlerësimi fillestar është falas. Ofertën e përgatisim pasi shohim çfarë mund të ruhet dhe çfarë duhet ndryshuar, që ta dini çmimin para se të fillojmë.
Çfarë ndikon në çmim
Numri i paraqitjeve të ndryshme, gjendja teknike e faqes, ndryshimet në përmbajtje, gjuhët dhe lidhjet me dyqanin, rezervimet ose sisteme të tjera. Ndryshimi i platformës dhe kalimi i përmbajtjes përcaktohen veçmas.
Afati dhe dorëzimi
Afatin e përcaktojmë pas vlerësimit. Për orientim, ndërtimi i një faqeje standarde biznesi zakonisht kërkon 2 deri në 4 javë pasi kemi përmbajtjen dhe akseset; një rifreskim i kufizuar mund të kërkojë më pak punë. Pagesa është 50% në fillim dhe 50% në dorëzim.
Domain-i dhe përmbajtja mbeten tuajat dhe merrni kodin burimor të punës sonë të personalizuar. Hostingu, mirëmbajtja, licencat me pagesë, shkrimi i gjerë i përmbajtjes dhe SEO e vazhdueshme përcaktohen veçmas kur nevojiten.
Para se të vendosni
A është ridizenjimi njësoj si rindërtimi nga e para?
Ridizenjimi mund të kufizohet te pamja kur struktura dhe funksionet janë në rregull. Një ndryshim më i gjerë përfshin menunë ose përmbajtjen, ndërsa rindërtimi zëvendëson pjesën teknike. Ju propozojmë punën e nevojshme pasi shohim faqen.
A punoni me faqe që i ka ndërtuar dikush tjetër?
Po. Fillimisht kontrollojmë platformën, akseset, licencat dhe lidhjet me sisteme të tjera. Mund të punojmë mbi një faqe ekzistuese WordPress ose të propozojmë kalimin në një platformë tjetër kur duhet. Para ofertës sqarojmë çfarë mund të realizohet.
A do të qëndrojë faqja online gjatë punës?
Zakonisht punojmë në një adresë prove dhe faqja aktuale mbetet online. Orarin e kalimit e përcaktojmë paraprakisht. Për dyqanet dhe faqet e rezervimeve mund të duhet një ndërprerje e shkurtër ose një plan për të kaluar porositë dhe rezervimet më të fundit.
A ndikon ridizenjimi te pozicioni në Google?
Mund të ndikojë, sidomos kur ndryshojnë adresat ose përmbajtja. Ruajmë faqet e dobishme kur është e mundur, përcaktojmë adresat e reja dhe kontrollojmë ridrejtimet, indeksimin e hartën e faqes. Këto masa ulin rrezikun e gabimeve, por nuk garantojnë pozicione të pandryshuara.
A duhet të ndryshoj platformën ose hostingun?
Vetëm nëse e kërkon puna e përcaktuar. Fillimisht shohim çfarë përdorni sot. Nëse duhet një kalim, oferta sqaron procesin, përgjegjësinë për emailin e shërbimet e lidhura dhe çdo kosto të re periodike.
A do ta kuptojë AI më lehtë faqen e re?
Faqet e qarta të shërbimeve, teksti i lexueshëm dhe të dhënat e sakta të strukturuara mund ta bëjnë informacionin më të kuptueshëm. Mund t’i kontrollojmë këto baza gjatë punës. Ato nuk garantojnë rekomandime në ChatGPT, funksionet AI të Google ose asistentë të tjerë.
Sa kushton ridizenjimi dhe sa kohë kërkon?
Varet nga gjendja e faqes dhe ndryshimet që përcaktojmë bashkë. Na dërgoni adresën dhe problemin kryesor për një vlerësim fillestar falas. Më pas ju japim çmimin dhe afatin me shkrim, duke sqaruar veçmas kalimin e përmbajtjes dhe shërbimet e vazhdueshme opsionale.
A mund ta ruaj përmbajtjen dhe ta menaxhoj vetë faqen?
Po. Përcaktojmë bashkë tekstet, imazhet dhe faqet që ruhen. Ju tregojmë si të bëni ndryshimet në përmbajtje që përfshihen në projekt. Domain-i dhe përmbajtja mbeten tuajat. Temat dhe plugin-et e palëve të treta ndjekin kushtet e licencave të tyre.
Fillojmë nga faqja që keni.
Na dërgoni adresën e faqes, çfarë nuk po funksionon siç doni dhe cilat funksione duhen ruajtur. E shqyrtojmë dhe ju sqarojmë hapin e radhës.
Shkruani adresën dhe detajet te mesazhi në formularin e kontaktit. Për vlerësimin fillestar të faqeve publike nuk na duhen fjalëkalime.